ការពិនិត្យរោគស្ត្រី(Examen gynecologique)

ការពិនិត្យរោគស្ត្រី
Examen gynecologique

ការពិនិត្យរោគស្ត្រីពេលនេះ គឺ ពិនិត្យស្វែងរកជំងឺផ្សេងៗ , ពិនិត្យដើម្បីកំណត់រោគវិនិច្ឆ័យ នឹង តាមដានសុខស្ត្រីពេល មានផ្ទៃពោះ ។

#ការសាកសួរ
១-ជំងឺទូទៅនឹងវះកាត់ : តើស្ត្រីធ្លាប់វះកាត់អ្វីខ្លះ? នឹង ធ្លាប់មានជំងឺអ្វីខ្លះ? ដោយសង្កត់ធ្ងន់លើ សម្ភព-រោគស្ត្រី ។
២-រោគស្ត្រី
-មករដូវដំបូង អាយុប៉ុន្មាន?
-រដូវ : រយៈពេលមកឈាមរដូវម្ដងប៉ុន្មានថ្ងៃ? មកទៀងរឺទេ? , មករដូវឈឺរឺទេ? , បរិមាណឈាម, ...... ។
-រួមភេទដំបូង អាយុប៉ុន្មាន? បើនៅព្រហ្មចារី យើងអាចពិនិត្យរោគ ស្ត្រីក្នុងលក្ខខណ្ឌពិសេសខ្លះ នឹងមានការយល់ព្រមពីស្ត្រី
-ពន្យាកំណើត : ប្រភេទ , រយៈពេល, របៀបប្រើ,...។
-ថ្ងៃមករដូវចុងក្រោយ
-ធ្លាប់មានជំងឺ : គីស , រលាកដៃស្បូន, កូនក្រៅស្បន,.... ។
-អាយុអស់រដូវ នឹង ការព្យាបាល
៣-សម្ភព :
-កូនកើតប៉ុន្មាន? រលូតប៉ុន្មាន? , រម្លូត? , សម្អាតស្បូន?.....។
-មានកូនដោយខ្លួនឯង រឺ ក្រោយការជួយរបសស់ពេទ្យ
-ធ្លប់មានជំងឺពេលមានផ្ទៃពោះរឺទេ ?
-ការសម្រាល : ធម្មជាតិ , បូម , វះ ? ...
-កាត់ទ្វារមាស រឺ ដាច់រហែក រឺទេ?
-បំដៅដោះកូន? ទឹកដោះគោ ?, រឺ លាយគ្នា?
៤-គ្រួសារ មានអ្នកណា កើតជំងឺ: លើសសម្ពាធឈាម, ទឹកនោមផ្អែម, លើសខ្លាញ់, មហារីក , បេះដូង,......។

#ប្រវត្តិជំងឺ
-ត្រូវបញ្ចាក់ពី មូលហេតុចូលមកពិនិត្យ: រដូវមិនទៀង? , ធ្លាក់ស? , ឈឺពោះ? ធ្លាក់ឈាម? ....... ។
-បញ្ចាក់ថ្ងៃចេញរោគសញ្ញា ?
-ករណីមានការឈឺចាប់ ត្រូវសួរពី :
+ឈឺពេលណា?
+ការវិវដ្ដន៍: ឈឺជាប់រហូត រឺ ឈឺបាត់ៗ, .....។
+ទីតាំងឈឺ នឹង ទិសដៅឈឺចាក់ទៅណា?
+កំរិតឈឺ
+សញ្ញារួមផ្សំ : ធ្លាក់ស, ហូរឈាម, ក្អួត , ពិបាកនោម,....។

#ការពិិត្យរាង្គកាយ : វាមានលក្ខណៈពិសេសខ្លះៗ ដូចជា :
-ត្រូវគោរពភាពខ្មាស់អៀន នឹង អោយស្ត្រីដោះសម្លៀកបំពាក់ មុនឡើងដេកលើគ្រែសម្រាប់ពិនិត្យរោគស្ត្រី
-ការពិនិត្យអាចចាប់ផ្ដើមពី ការថ្លឹងគីឡូ វាស់កម្ពស់ នឹង យកសញ្ញាជីវិត
-ពិនិត្យដោះទាំងសងខាង
-ត្រូវចាប់ផ្ដើមពិនិត្យមើល ពោះមុន ស្ទាបពោះ បន្ទាប់មក ទើបចាប់ផ្ដើម ដាក់ speculum នឹង លូកពិនិត្យទ្វារមាស។

១-ពិនិត្យដោះ : ពិនិត្យសងខាង
-ពិនិត្យដោយមើល : អោយស្ត្រីអង្គុយ , មើលដោះសងខាង មើលទូទៅ នឹង ស្បែក
-ស្ទាប : ស្ទាបក្នុងស្ថានភាព ស្ត្រីអង្គុយ ហើយបន្ទាប់មកដេក
-ស្ទាប នឹង ពិនិត្យរក កូនកណ្ដុរ ( ganglionnaires)

២-ពិនិត្យពោះ : ស្ទាបរកកន្លែងឈឺ , ដុំ , ពោះរឹង ? , ......។

៣-ពិនិត្យទ្វារមាស: ពិនិត្យរកការរលាក ដំដៅ, ដុំ សាច់ក្រិន នឹង ស្នាមកាត់ទ្វាសរមាស រឺ ស្នាមដាច់រហែក

៤-ពិនិត្យដោយ Speculum: ទ្រ speculum ហើយ ដាក់ចូលថ្នមៗ នឹង ដាក់អោយងាយស្រួលពិនិត្យមាត់ស្បូន:
-ពិនិត្យមាត់ស្បូនទូទៅ នឹង រំអិលមាត់ស្បូន
-បើមានឈាម រឹ ធ្លាក់ស ត្រូវពិនិត្យមើល បរិមាណ នឹង សភាពរបស់វា

បើចាំបាច់ត្រូវ កៀកោសិកាមាត់ស្បូនពិនិត្យ នឹង ពិនិត្យរកបាក់តេរី bacteriologie ។ ចប់ការពិនិត្យ ដក Speculum តិចៗ នឹង មើលទ្វារមាស ក្រែងមានការដាច់រហែក ។

៥-លូកពិនិត្យទ្វារមាស ខ្ញុំបានសរសេរពន្យល់រួចហើយ

#ពិនិត្យស្ត្រីពេលមានផ្ទៃពោះ ការពិនិត្យមានទំរង់ដូចគ្នា ដោយយើង ពិនិត្យថែម :
១-ការសាកសួរ : បញ្ចាក់អាយុកូន តាមដានដោយពិនិត្យទូទៅ ឈាម នឹង អេកូ ។ យើងអាចសាកសួរពី :
-ការនោម : មានបញ្ហារឺទេ?
-មានធ្លាក់ស ?
-មានហូរឈាមទេ?
-ហូរទឹកភ្លោះ?
-ឈឺពោះ ?
-ស្បូនកន្ត្រាក់ ?
-ចលនាកូន មានរឺទេ?

២-ការពិនិត្យរាង្គកាយ
-សញ្ញាជីវិត គីឡូ កម្ពស់
-វាស់កម្ពស់ស្បូន
-ពិនិត្យដោះ
-ពិនិត្យដោយ speculum : ជាទូទៅ ពិនិត្យក្នុងករណី មានសញ្ញាបញ្ហាដូចជា ធ្លាក់ស ,ហូរឈាម, ... ។
-លូកពិនិត្យទ្វារមាស : ក្នុងករណីគ្មានបញ្ហា ជាទូទៅគេមិន លូកពិនិត្យទេ គេចូលចិត្តលូកពិនិត្យ នៅត្រីមាសទី ៣ នឹង ពេលឦានសញ្ញាក្លីនិច ហើយគេពិនិត្យដោយសង្កត់លើ Score de Bishop ។

ជាទូទៅគេចូលចិត្តរបៀបពិនិត្យ តាមលំដាប់ដូចខាងក្រោម:
១-ការសាកសួរ
២-ពិនិត្យទូទៅ : សញ្ញាជីវិត , គីឡូ , កម្ពស់,
៣-ពិនិត្យដោះសងខាង
៤-ពិនិត្យពោះ
៥-ពិនិត្យទ្វារមាស
៦-ដាក់ speculum ពិនិត្យ
៧-កៀរមាត់កោសិកាមាត់ស្បូនពិនិត្យ
៨-លូកពិនិត្យទ្វារមាស

នៅពេលមានផ្ទៃពោះ គេពិនិត្យ ក្រុមឈាម រ៉េសីុស , នឹង ពិនិត្យទឹកនោមស្វែងរក ជាតិស្ក ប្រូតេអីុន នឹង រលាក ។

អត្ថបទដោយDrនួន ឆាង