រលូតនៅត្រីមាសទីមួយ Avortement spontané précoce

រលូតនៅត្រីមាសទីមួយ
Avortement spontané précoce

#និយមន័យ
Avortement spontané précoce រឺ Fausse couche spontanée precoce (FCSP) គឺជាការរលូតនៅត្រីមាស ទីមូយ រឺ កូនអាយុតិចជាង ១៤ សប្ដាហ៍ គិតតាមរដូវចុងក្រោយ ។
រលូតនៅត្រីមាសទីមួយ វាអាចមានពីរទំរង់គឺ :
-កូនចេញមកក្រៅ ហើយនៅមានបេះដូង រឺ នៅលូតលាស់
-កូនឈប់លូតលាស់ រឺ គ្មានបេះដូង ហើយរលូតចេញក្រៅ

#រោគសញ្ញា
-ហូរឈាមពីក្នុងស្បូន ក្រហមស្រស់ ហូរឈាមច្រើន ពេលខ្លះធ្លាក់កូនចេញមកក្រៅ
-ឈឺពោះ
-បាត់ចាញ់ : បាត់ចង់ក្អួត , .....។
-លូកពិនិត្យទ្វារមាស មិនឈឺ មាត់ស្បូនបើក

#ពិនិត្យអេកូ
-embryon គ្មានសកម្មភាពបេះដូង ,
-ថង់កូនក្នុងស្បូនសំប៉ែត ,
-ស្បូនស្អាតបន្ទាប់ពីកូនចេញ (avortement complet)
-សល់កំទេចសាច់កូនខ្លះ (avortement incomplet)

#ការព្យាបាល
-ករណីរលូតពេញលេញ (complet) មិនចាំបាច់ព្យាបាលទេ
-ករណីរលូតមិនពេញលេញ (incomplete) វានៅសល់ផ្នែក ខ្លះរបស់កូនក្នុងស្បូន យើងមានវិធីពីរយ៉ាងក្នុងការព្យាបាលគឺ:

1+បូមសម្អាត :ជាពិសេសករណីហូរឈាម ត្រូវសម្អាតអោយ បានលឿន ពេលខ្លះយើងយកសាច់កូនទៅពិនិត្យកោសិកា (anatopathologie)

2+ករណីនៅសល់តិចតូច គេអាចប្រើថ្នាំ Misoprostol ដោយមិនសម្អាត ប៉ុន្ដែគេមិនសូវប្រើទេ ពិព្រោះវាមានអត្រា បរាជ័យច្រើន ហូរឈាម បង្ករោគ ហើយប្រើពេលយូ បើករណីប្រើ misoprostol ហើយហូរឈាមច្រើន ធ្លាក់មិន អស់ គឺត្រូវបូមសម្អាតស្បូនដ៏ដែល ។

បន្ទាប់ពីរលូត ស្ត្រីអាចពន្យាកំណើត មុនពេលចង់បានផ្ទៃពោះ មួយទៀត ប៉ុន្តែការពន្យាកំណើតក្រោយរលូត មុននឹងមានផ្ទៃ ពោះមួយទៀត វាមិនសំខាន់ រឺ មិនចាំបាច់ពេកទេ ។

ករណីរលូតជាប់គ្នាចាប់ពី ២ រឺ ៣ ដងឡើងទៅ ស្ត្រីត្រូវពិនិត្យសុខភាព ជាពិសេស ផ្នែកសម្ភពរោគស្ត្រី ។

អត្ថបទដោយDr នួន ឆាង