បង្ហើយទារកសំខាន់ណាស់ កុំប្រហែសឲ្យសោះ!!!
បង្ហើយទារកសំខាន់ណាស់ កុំប្រហែសឲ្យសោះ!!!
ខ្ញុំសង្កេតឃើញមានប៉ាម៉ាក់មួយចំនួននៅបន្ដទម្លាប់លាបនេះ លាបនោះលើបង្ហើយកូនដើម្បីឲ្យវាឆាប់រឹង។ បច្ចុប្បន្ន ពេទ្យបានណែនាំច្បាស់ហើយថាមិនឲ្យលាបអ្វីលើបង្ហើយកូនទេ។ ហើយក៏មិនត្រូវធ្វើឲ្យបង្ហើយគេឆាប់រឹងដែរ។
- ការលាបអីផ្សេងៗលើបង្ហើយទារកមិនបានផ្ដល់ប្រយោជន៍សម្រាប់គេឡើយ មានតែធ្វើឲ្យប៉ះពាល់សុខភាពគេទៅវិញទេ ជាពិសេសសារធាតុដែលមានជាតិ ម៉ង់តុល (Menthol)។
- ការធ្វើឲ្យបង្ហើយក្មេងឆាប់រឹងក៏មិនមែនជារឿងល្អដែរ។ ប៉ាម៉ាក់ត្រូវដឹងថា បង្ហើយគឺជាផ្នែកទន់នៃក្បាលទារកដែលមានសារៈសំខាន់បំផុតទៅដល់ការលូតលាស់ខួរក្បាលនិងទម្រង់ក្បាលរបស់គេ។
ការពិតបង្ហើយមិនមែនមានតែ១ចំនុចនៅខាងមុខដូចយើងឃើញនឹងទេ តែវាមាន១ចំនុចតូចទៀតនៅខាងក្រោយ និងមានរាងជាខ្សែចែកទម្រង់ក្បាលខាងលើជា៤ផ្នែក (ដូចរូបទី1)។ ចំនុចនិងខ្សែទាំងអស់មានលក្ខណៈទន់។
ធម្មជាតិឆ្លាតណាស់ ហើយក៏មានហេតុច្បាស់ណាស់ដែរដែលបង្កើតឲ្យចំនុចទាំងនោះទន់គឺ៖ -ទី១វាធ្វើឲ្យទម្រង់ក្បាលទារកបង្រួមងាយស្រួលកើតចេញពីពោះម្ដាយ
-ទី២វាធ្វើឲ្យទម្រង់ក្បាលរីកធំតាមការលូតលាស់របស់ខួរក្បាល។ ទារកកើតមក ក្នុងខែដំបូងៗខួរក្បាលគេលូតលាស់យ៉ាងឆាប់រហ័ស មានន័យថាខួរក្បាលគេនឹងត្រូវរីកធំទៅតាមការលូតលាស់របស់គេ។ ពេលខួរក្បាលលូតលាស់និងរីកធំ ទម្រង់ក្បាលរបស់គេក៏ត្រូវតែរីកឲ្យស្របគ្នាដែរ។ ហើយទម្រង់ក្បាលរបស់គេអាចរីកបានលុះណាតែមានផ្នែកទន់ទាំងអស់នោះ។
-ទី២វាធ្វើឲ្យទម្រង់ក្បាលរីកធំតាមការលូតលាស់របស់ខួរក្បាល។ ទារកកើតមក ក្នុងខែដំបូងៗខួរក្បាលគេលូតលាស់យ៉ាងឆាប់រហ័ស មានន័យថាខួរក្បាលគេនឹងត្រូវរីកធំទៅតាមការលូតលាស់របស់គេ។ ពេលខួរក្បាលលូតលាស់និងរីកធំ ទម្រង់ក្បាលរបស់គេក៏ត្រូវតែរីកឲ្យស្របគ្នាដែរ។ ហើយទម្រង់ក្បាលរបស់គេអាចរីកបានលុះណាតែមានផ្នែកទន់ទាំងអស់នោះ។
ដូចនេះកុំធ្វើអ្វីលើបង្ហើយគេអី ទុកឲ្យគេរឹងទៅតាមការវិវត្ដរបស់គេគឺល្អបំផុតហើយ។ បង្ហើយគេនឹងរឹងដោយខ្លួនឯងទៅតាមការវិវត្ដលូតលាស់របស់គេ។ ផ្នែកខាងក្រោយអាចរឹងនៅអាយុ៤ខែ ខាងមុខអាចរឹងនៅអាយុ ៩ខែ-១៨ខែ ឯក្មេងខ្លះអាចនៅយូរជាងនេះ។
បើតាមលោកវេជ្ជបណ្ឌិត ចាន់ ស៊ីណេត បានឲ្យដឹងថា បង្ហើយក្មេងជាកន្លែងផ្តុំនូវកោសិកាប្រព័ន្ធប្រសាទ វានឹងរីកលូតលាស់បន្តិចម្តងៗទៅតាមវ័យធំធាត់របស់ទារក កាលណាយើងរបស់អ្វីមួយទៅលាប ឬបិទ ប្រៀបបាននឹងបង្អាក់ការលូតលាស់។
ក្រៅពីប៉ះពាល់ដល់ការលូតលាស់ខួរក្បាលទារក ការយកប្រេងកូឡា ពន្លៃ ឬស្លឹករុក្ខជាតិផ្សេងៗមកបុក រួចបិទនៅលើបង្ហើយ ធ្វើឲ្យកើតជាកំណកដុំៗ ដែលចាស់ៗចំណាំហៅថាអាចម៍ក្របីនោះ ក្បាលក្មេងខ្លះកកើតទៅជារោគផ្សិត ព្រមទាំងមានការប៉ះពាល់ដល់ផ្លូវដង្ហើមនិងឈានដល់ការរលាកសួតក៏មាន ដោយសារការស្រូបសារធាតុទាំងនោះ។
លោកវេជ្ជបណ្ឌិតបន្តថា បង្ហើយកូន ម៉ាក់ប៉ាមិនចាំបាច់ប៉ះពាល់អ្វីទាំងអស់ គ្រាន់ងូតទឹករួចយកកន្សែងទន់មកផ្តិតថ្នមៗឲ្យស្ងួតទឹកនៅលើក្បាល ពិសេសបង្ហើយ នោះបង្ហើយនឹងវិវត្តទៅជារឹងតាមវ័យរបស់ទារក អាចនៅអាយុជិត១ខួប ឬយូរជាងនេះ។
Comments
Post a Comment